Ab Naye Saal Ki Mohlat Nahin Milnay Wali
Aa Chukary Ab To Shab-O-Roz Azabon Walay

Ab To Sab Dashna-O-Khanjar Ki Zuban Boltay Hain
Ab Kahan Log Mohabbat K Nisabon Walay

Zinda Rehnay Ki Tamanna Ho To Ho Jatay Hain
Fakhton K Bhi Kirdar Uqabon Walay

Na Meray Zakham Khilay Hain Na Tera Rang-E-Hina
Mosam Aaya Hi Nahin Ab K Gulabon Walay

Shayad Khushi Lay Aye Nayaa Anay Wala Saal
Yaa Aur B Begaana Hamain Zindagi Kerday
Es Saal Chahat Aur B Barh Jaeaa Kia Kahaber
Yaa Aur B Diwana Hamain Diwangi Kerday

Kaisay Kehtey Thay Aaa Sajan!
K Mujh Sey Bicharr Kar Jii Naa Paao Ghay Tum???
Zara Socho Kitni Baar
Manaya Hai
Naya Saal Mujh Sey Bicharnay K Baad???

Lambay Safar Ki Oat Mein Pal Bar Nahin Ruka
Mein Waqt K Fareeb Mein Aa Kar Nahin Ruka

Phir Aa Gaya Aik Naya Sal Dosto
Is Bar Bi Kisi Say December Nahin Ruka

Lay Kar Kisi Nain Haath Mein Kashkol-E-Waqt
Aisa Safar Kia K Kahin Per Nahin Ruka

Manzar Kay Aks Mein Koi Chera Chatakh Gaya
Sheshay Kay Pas Aa Kay Jo Pathar Nahin Ruka

Chalta Raha Adoo Ki Safin Rondta Howa
Lakhon Ka Khoun-E-Jigar Kar K B Lashkar Nahin Ruka

Bas Yeh Howa K Akhri Lamha Bi Aa Gaya
Dil Ka Tawaf Koocha-E-Dilbar Nahin Ruka

Naye Saal Ki
Pehli Kiran !
Jab Tum Us K Darwazay Per Dastak Do
To Itna Usay Kehna
K Intizar K Deep Jalaye
Sirf Tumhain Yaad Rakhay
Aur Baqi Sab Bhulaye
Koye Ab Bhi Aas Ka Daaman Thamay
Tumahri Raah Tak Raha Hay….!!!

Yeh Saal Terey Wastey Khushiyon Ka Nagar Ho
Kia Khooob Ho Har Roz Teree Eid Agar Ho
Har Raat Masarrat Ki Naye Geet Sunaaye
Lamhaat Ke Peron Pe Bhi Shabnam Ka Asar Ho

Ye Sard Shamain Ye Zard Pattay
Ye Mere Qadmon Main Larkharahat

Guzarti Saa’at K In Palon Main
Main Jis Ki Chahat Ko Khojta Hoon

Wo Ja Chuka Hay Meheeno Pehlay
Tapish Thi Jis Ki Lahoo Main Mere

Wo Is December Main Ruk Gayee Hay

Boht Hay Mushkil K Ab Ho Aisa
K Mujhpay Abkay Ye Saal Guzray

Aaj Phir Saal Ne Us Roz Ko Dohraya Hai,
Aaj Phir Pehli Mulaqaat Ka Din Aaya Hai,
Aaj Phir Tumko Meri Yaad Bahut Aayegi,
Aaj Phir Tumne Meri Sochko Mehkaya Hai…

Naye Saal Ki Nai Umar Mein
Bhagya Sabhi Ke Jaage
Kabhi Na Laage Gum Ki Aandhi
Tujhe Meri Umaria Laage

Naye Saal Main Gulab Dheron Khilnay Hain
Rothay Hoye Dost Saaray Mananay Hain
Band Aankhon Main Jo Chub Rahay Hain Rait Ki Tarhan
Palkon Ko Khol K Aansoo Saaray Giranay Hain

Gaye Mousam Main Jo Khilte The Gulaboon Ki Tarha
Dil Pe Utren Gay Wohi Khawab Azzabon Ki Tarha
Koun Jane K Naye Saal Main Tu Kisko Parhay
Tera Maiyyar Badalta Hai Nisabon Ki Tarha.

Iss Naye Saal Per Meri Dua Hai Ke..

Tere Sehan Chaman Main
Rooz Chandni Jagmagae
Sitaroon Ki Mala Utrey
Musarrat Ke In Lamhoon Main
Khushian Tere Gird Jhilmalain
Or
Baharoon Se Tera Daman Bhar De.